Астанадан ақжолтай хабар!
Бас қаламызда , Ұлттық-академиялық кітапхананың бастамасымен Шәкәрім Құдайбердіұлының 165 жылдығына орай, 5-7 сыныптар арасында “Шәкәрім оқулары” сайысының ақтық кезеңі болып өтті.
Аталмыш додаға Шымкент қаласының намысын қорғап, Әл-Фараби атындағы ғылыми-әмбебап кітапханасының тұрақты оқырманы Кәдірхан Дінмұхаммед қатысып, жүлделі 1 - орынды иеленді.
Осындай зерек оқушыны тәрбиелеп шығарған ата-анасы мен алтын ұя мектебінің, бағыт-бағдар берген тәлімгері кітапханамыздың қызметкері Мейіржан Жақыповтың еңбектерінің жемісі!
Жеңімпаз Димашты жүлдесімен құттықтаймыз! Қаламыз бен кітапханамыздың абыройын асқақтататын озат оқушылардың қатары көбейе берсін! 
