Діни экстремизм мен терроризм профилактикасының кешенді шаралары жалғасуда
Үстіміздегі жылдың 28 ақпанында Шымкент қаласындағы Терроризмге қарсы комиссиясының аясында діни экстремизм мен бірге терроризм профилактикасының да бірқатар кешенді шаралары қабылданды.
№ 54 түзеу мекемесінде жергілікті атқарушы органдардың ұйымдастыруымен сотталғандарға дәстүрлі құндылықтарды насихаттау, сондай-ақ олардың арасында деструктивті идеологияға жол бермеу мақсатында мәдени іс-шара өткізілді.
Сотталғандарға Шымкент қаласы мәдениет, тілдерді дамыту және архивтер басқармасының «Жұмат Шанин атындағы Шымкент қалалық академиялық қазақ драма театры» мемлекеттік коммуналдық қазыналық кәсіпорыны әртістерінің қатысуымен діни экстремистік ұстанымның жағымсыз салдарына арналған «Құрық» (авторы: Байділдә Айдарбеков) трагедиясынан үзінді қойылымы көрсетілді, сондай-ақ бірқатар патроиттық әндер орындалды.
Мәдени іс-шараға ЖАО өкілдері, теолог мамандар, ресми дін өкілдері қатысты және 200-ге жуық сотталғандар қамтылды.
Іс-шара барысында барлық қатысушалар 1 наурыз «Алғыс айту» күнімен бір-біріне жылы лебіздерінде білдірді.
Іс-шара соңында сотталғандар ұйымдастырушыларға ерекше ризашылықтары жеткізілді.
Бұдан басқа, аумақтық ішкі істер, Мамандандырылған күзет қызметі және төтенше жағдайлар бөлімшелерімен сот органдары мен қаладағы қонақ үйлердің жауапты өкілдеріне объектілердің терроризмге қарсы қорғалуын ұйымдастыру, терроризмге қарсы іс-қимыл алгоритмдері және т.б. тақырыптарда оқу-жаттығу семинарлары өткізілді.
Әрбір іс-шараның соңында өңірлік Терроризмге қарсы комиссия өкілдерімен профилактикалық алдын алу шараларына басымдықтардың берілетіндігі жеткізіліп отырды.
