Әл-Фараби атындағы қалалық ғылыми-әмбебап кітапханасында Дешті Қыпшақ даласынан шығып Мысырда мәмлүктер мемлекетінің негізін қалаған Сұлтан Бейбарыс бабамыздың рухын ұлықтаған тарихи кеші өтті.
Оқырман қауым назарына бабамыздың өскен ортасы мен ерлік жолын баяндайтын «Сұлтан Бейбарыс және оның дәуірі» тақырыбында кеңейтілген кітап көрмесі ұсынылды.
Тарихшы ғалымдар, мектеп ұстаздары, кітапханашылар мен студент жастар қатысқан тағылымы мол іс-шарада крест жорықтарына тойтарыс беріп ислам әлемін сақтап қалған батыр бабамыздың өр рухына арналған әдеби композиция оқылды.
