Кеңес Одағының батыры , генерал Иван Панфиловтың туғанына 130 жыл толуына орай «Ұлы ерлік – ұрпаққа үлгі» атты ақпараттық сағат өткізілді.
Шараға № 131 жалпы орта мектеп оқушылары мен ұстаздары қатысты. Шара барысында, Иван Панфилов ерліктері жайлы ақпараттар беріліп, бейне ролик көрсетіліп, батыр өмірінен көрініс қойылды.
Панфиловшылардың есімдерін білу және олардың ерлік дастанын дәріптеу – ұрпақ парызы.
1941 жылдың қазан-қараша айларында Мәскеу түбіндегі қорғаныс кезінде генерал – майор Иван Панфиловтың қолбасшылығымен 316-атқыштар дивизиясының жауынгерлері Волоколамск бағытын қорғауда асқан ерлік көрсетті. Мәскеуді қорғауда Панфилов басқарған дивизияның батальон командирі, қазақ халқының ержүрек ұлы Бауыржан Момышұлының, жиырма сегіз панфиловшы-батырлардың даңқы шықты. Жиырма сегіз гвардияшы Панфиловшылар — Ұлы Отан соғысы жылдарында Мәскеуді ерлікпен қорғаған қазақстандық жауынгерлер.
Қазақстандық ержүрек жауынгерлер соғыс тарихында әлемді дүр сілкіндірген мәңгілік өшпес ерлік көрсетті.
Даңқты қолбасшының әскери өнері, ұрыс жүргізу айла-тәсілдері, әскерлерге басшылық ету мен оларды басқару қабілеті жоғары, тактика мен әскери стратегияда жаңашыл, әскери ойлауда артықшылыққа, басымдылыққа ие болды. Бауыржан Момышұлының Отан соғысындағы ерлігі елдің есінен кетпейтін талантты да қаһарман қолбасшы.
Генерал Панфиловтың есімі Ұлы Отан соғысы тарихында қалды. Біздер, қазақстандықтар, оларды өзге батырлармен бірге қастер тұтып, жадымызда сақтаймыз.
