“Әл-Фараби” кітапханасында ҚР Мемлекеттік сыйлығының иегері, көрнекті сәулетші, фотосуретші, режиссер, ақын Бақытжан Әшірбаевтың туғанына 70 жыл толуына орай «Талантын туған жерге арнаған тұлға» атты еске алу кеші болып өтті.
Кеш барысында көрнекті мүсінші, суретші, ҚР Мемлекеттік сыйлығының иегері Насыр Рүстемов, музыкант, ақын, журналист Тахир Узденов, сәулетшілер Асқар Әзімбаев, Арысбек Әбдраманов, Б.Әшірбаевтың інісі Бауыржан Әшірбаев, көптеген сәулетшілер, мүсіншілер, суретшілер Бақытжан Әшірбаев туралы өздерінің жарқын естеліктерімен бөлісті
ОҚМПУ студенттері ақын өлеңдерінен құрылған әдеби композиция орындады.
Еске алу кеші Әл-Фараби атындағы қалалық ғылыми-әмбебап кітапханасының директоры А.Жаппарқұлованың сөзімен қорытындыланды.
Модератор- Шымкент қаласы Сәулетшілер қауымдастығының төрағасы, Қазақстанның құрметті сәулетшісі Асқар Мамырбаев.
https://www.facebook.com/100064780246885/videos/735155914848305/
