"AMANAT" партиясы Шымкент қалалық филиалының бастамасымен Әл-Фараби атындағы қалалық ғылыми-әмбебап кітапханасы айтыс өнерінің жарқын өкілдері, мәдениет саласының майталмандары Ақмарал Леубаева, Маржан Есжанова, Кәрима Ораловалардың қатысуымен «АҚЫН.АНА.ӘЖЕ» тақырыбында сыр-сұхбат кешін өткізді.
Кеш барысында ақын аналарымыз оқырман қауымның көкейінде жүрген сұрақтарына жауап берді. Айтыс өнеріне қалай келгендері жайында, отбасылық өмірі туралы сыр шертісті.
Ақын аналарымыздың сөзіне жазылған әндер шырқалып, жырлар оқылды.
Қазақстан Жазушылар одағының және Өзбекстан Жазушылар одағының мүшесі, айтыскер ақын Бөрібай Оразымбет, ф.ғ.к, ОҚМПУ-нің аға оқытушысы Қосай Алтынбеков жылы лебіз, жарқын естеліктерімен бөлісті.
Кеш модераторы - ф.ғ.к, Әл-Фараби атындағы қалалық ғылыми-әмбебап кітапханасының директоры Анар Жаппаркулова.
.1675243735.jpg.jpg)
