ЕСКІДЕН ЖЕТКЕН ЖАҢАЛЫҚ
Жаңалықтың үлкені осы шығар! Үлкен деуіміздің себебі, кітапханамыздың қазына қоры тағы бір Үлкен тарихи жәдігермен толысып жатыр! Дәлірек айтсақ, заманында “Сыпыра шежіреші” атанған Әлиасқар Байғұтұлынан жеткен киелі шежіре - Ақпантай Әлиасқарұлы, Асан Тұрабаев, Ілесбек Байжанов сынды төл тарихымызды түгендеп жүрген азаматтардың ұшан-теңіз еңбегінің арқасында “ҰЛЫ БАБАЛАР НАСИЯТЫ” - деген атпен жарық көріп жатыр!
Әуелгі жаратылыс әлмисақтан бастап, кешегіге дейінгі төл тарихымыз бен ата дәстүр, салт-санамызды түгел қамтыған кітапты, авторларының бірі, Журналистер одағының мүшесі, инженер, тарихшы Ілесбек Байжанов кітапхана директоры Анар Абусайылқызына өзі әкеліп табыстады. Бабадан қалған құнды насияттарды алдағы уақытта авторлармен бірігіп тұсауын кесіп, оқырмандарға насихаттайтын боламыз!
