Әл-Фараби атындағы қалалық ғылыми-әмбебап кітапханасында киелі Отырар өлкесінің тумасы, жас ақын Нұрғали Сердәлиевтің тұңғыш өлеңдер жинағы топтастырылған «Түнгі өлең» атты кітабының тұсаукесер кеші өтті.
Тұсаукесер кешіне Қазақстан Жазушылар одағының және Өзбекстан Жазушылар одағының мүшесі, айтыскер ақын Бөрібай Оразымбет, Республикалық «Өлең – сөздің патшасы» атты ақындар бірлестігінің басшысы Омархан Дәуітов, Әлем халықтары жазушылар одағының Шымкент қалалық филиалының төрағасы Жанәділ Сейдан, Отырар ауданы ішкі саясат бөлімінің басшысы Еркебұлан Жаймурзаев, ақынның әкесі Ғабит Сердәлиев, ақын Айгүл Қалтайқызы мен Гүлдана Сермахан қатысты.
«АЛҚА» әдеби бірлестігінің студенттері ақын өлеңдерінен құрылған әдеби композиция орындаса, әнші, сазгер Арайлым Саттарова, Дәурен Төленбаев және ерекше дауыс иесі Нұрлан Балтақожа ақынның сөзіне жазылған әндерді орындап, көпшіліктің қошеметіне бөленді.
Кеш модераторы – Қазақстанның Халықаралық Жазушылар Ассосациясының мүшесі Аида Өтеп.
https://www.facebook.com/100064780246885/videos/897584628271079/
