Әл-Фараби атындағы қалалық ғылыми-әмбебап кітапханасының қолға алған «Асылдың көзі...» жобасы аясында Созақ өңірінің тумасы, ақын, жазушы, аудармашы, тарих, әдебиет зерттеушісі, Созақ ауданының Құрметті азаматы Дулат Тұрантегіні еске алу кеші өтті.
Еске алу кеші Әл-Фараби атындағы қалалық ғылыми-әмбебап кітапханасының директоры, ф.ғ.к Жаппарқұлова Анар Абусайылқызының алғы сөзімен бастау алды.
Қазақтың қабырғалы ақыны, К.Симонов атындағы халықаралық сыйлықтың иегері, «Алаш» әдеби сыйлығының және «Парасат» орденінің иегері Нармахан Бегалыұлы, жазушы, драматург, Қазақстанның құрметті журналисі Захардин Қыстаубайұлы, жазушы, драматург, сатирик, кәсіби журналист Сабырбек Олжабай, Қазақстан Жазушылар Одағының мүшесі, Қарауылбек Қазиев атындағы сыйлықтың иегері, фантаст-жазушы Сарманбай Исақ, ф.ғ.к, доцент Зылиха Жантасова сынды ақын-жазушыларымыз Дулат Тұрантегі жайлы жылы-жарқын естеліктерімен бөлісті.
Оңтүстік Қазақстан мемлекетттік педагоикалық университетінің және «Болашақ» колледжінің студенттері ақын Дулат Тұрантегінің таңдаулы өлеңдерінен жасалған әдеби композиция оқыды.
Созақ ауданының құрметті азаматтары Тұрысбеков Сексенбай және Созақ аудандық ішкі саясаттың басшысы Райымқұлов Ерлан, С.Қожанов атындағы музейдің директоры Дүйсенбек Ниязәлі және ҚР Мәдениет қайраткері Асқаров Мыңжасар Созақ ауданынан арнайы келіп қатысты.
Дулат Тұрантегі туралы жазылған "Наркеуде" атты кітабын, "Өмірдің өзі" әңгімелер жинағын және "Созақ перзенттері" атты кітабын ҚР Журналистер одағының мүшесі, аудандық «Созақ үні» газетінің жауапты хатшысы Қарғабай Мақсат кітапханамызға тарту етті.
Модератор: ақын, аудармашы, «Кітапхана ісінің үздігі» төсбелгісінің иегері, ҚР Жазушылар одағының мүшесі Гүлнар Өмірбек.
