Табысты болудың кілті - кітапта - 01
Кітапханамызда кітап оқу арқылы жетістікке жеткен адамдарды үлгі ету мақсатында «Кітап оқу – жетістікке апарар жол» атты кездесу кеш өткізілді.
Кеш кейіпкерлері Бәйдібек ауданының құрметті азаматы, «Бал Текстиль» ЖШС директоры Ысқақов Талғат Жүнісбекұлы, кәсіпкер, «Капитал - Надзор» ЖШС қаржы қадағалау агенттігінің бас директоры Кеутаева Айша Әлжанқызы жастарға өнеге алардық ақыл – кеңестерін беріп, сүйіп оқитын шығармаларынан үзінділер айтты. Кітапхана қызметкерлері Санат Пазыл, Нұрсәуле Абдрамбаева және М.Әуезов атындағы ОҚУ – нің «Мәдени тынығу жұмысы және музыка» факультетінің студенттері Бегалы Бектөре, Дәулетбай Рамазан әдеби композиция орындаса, «Түркістан сарайы» мәдениет үйінің әншілері Саят Төрехан мен Сәбит Мұқан әннен шашу шашты.
Талғат Жүнісбекұлы кітапханаға өзінің кітабын және «Бал Текстиль» ЖШС- нің жаңа коллекциясының кілемдерін сыйға тартты.
Кітапханамыздың директоры Анар Абусайылқызы кешті қорытындылап, қонақтарға алғысын білдіре отырып, кітапхана атынан кітап сыйға берді.
