Жұмат Шанин Тұрғынбайұлының туғанына 130-жыл толуына орай еске алу кеші өтті
Әл-Фараби атындағы қалалық ғылыми-әмбебап кітапханасында режиссер, драматург, актер, қазақ ұлтының профессионалды театр өнерінің негізін салушы, қоғам және театр қайраткері, Қазақ АКСР-інің халық артисі Жұмат Шанин Тұрғынбайұлының туғанына 130-жыл толуына орай еске алу кеші өтті.
Еске алу кеші Әл-Фараби мүсіні алдында М.Әуезов атындағы ОҚУ өнер факултетінің студенттері қойған Ж.Шаниннің «Арқалық батыр» спектаклінен басталды. Жазушы, шежіреші, тарихшы Момбек Әбдәкімұлы алғы сөз сөйледі. ҚР Журналистер одағының Түркістан облыстық филиалының төрағасы Ғалымжан Елшібай облыс орталығынан, Ж.Шаниннің тікелей ұрпағы, режиссер Шанин Болат Қасымханұлы мен Шанина Жанат Қасымханқызы, Қазақстанның еңбек сіңірген қайраткері, театр режиссеры, философия ғылымдарының докторы, Астана қаласының музыкалық жас көрермен театрының директоры, Қазақстан театрлар ассосациясының вице-президенті Асхат Максимұлы Маемиров мырза мен Қазақ ұлттық өнер университетінің аға оқытушысы, театртанушы, театр сыншысы Айзат Қадыралиева режиссер Астана қаласынан арнайы келіп, режиссердің өмір жолы мен шығармашылығынан біршама тың ақпарат беріп, оқырман қауыммен сыр-сұхбат жүргізді. Келген қонақтарға «Шымкент қаласының энциклопедиясы» сыйға тартылды.
Театр майталмандары мен кітапхана оқырмандарының келелі кездесу өткізуіне себепкер атанып, арада алтын көпір боп жүрген қаламгер, драматург Сая Қасымбек ханымға алғыс айта отырып, алдағы атқарар істеріне тілектестік білдіреміз.
Кеш модераторы – «Әл-Фараби» атындағы қалалық ғылыми-әмбебап кітапханасының директоры, ф.ғ.к Жаппарқұлова Анар Абусайылқызы.
#Әлфараби
#ЖұматШанин
#Театрқарлығашы