Кітапханамызда жыраулардың жампозы атанған Базар жырау Өтемісұлының туғанына 180 жыл толуына орай “Базар жырау - дәстүршіл ақын” атты әдеби кеш өтті. Шара барысында “Жалын”жалпы білім беретін мектебінің мұғалімі Ф.Утарбекова кеш қонақтарына жыраудың өмірі мен шығармашылығы жайында кеңірек әңгімелеп берді. Оқырмандарымыз Әбдіғаппар Асылжан күмбірлетіп күй тартса,Таубайұлы Абылай жырдан шашу шашты.
Сонымен қатар № 88 жалпы білім беретін мектебінің оқушылары Жақсылық Сымбат пен Махан Аян жыраудың өлеңдерінен композиция орындады. Кеш соңында викториналық ойын ойнатылып,белсене қатысқан оқырмандарға алғыс хаттар берілді.
