Әл-Фараби атындағы қалалық ғылыми-әмбебап кітапханасының "Асылдың көзі..." атты авторлық жобасы аясында тарихшы, жазушы, халықаралық Алаш әдеби сыйлығының иегері Еркінбек Тұрысовтың туғанына 95 жыл толуына орай "Тарих тамыршысы" тақырыбында еске алу кеші өтті.
Еске алу кешіне қазақтың қабырғалы ақындары Нармахан Бегалыұлы, Ханбибі Есенқарақызы және бірқатар зиялы қауым өкілдері, АЛМАТЫ қаласынан Қазақстан Жазушылар Одағының төрағасы Ұлықбек Есдәулет, ф.ғ.д, профессор Бауыржан Жақып, ақын Маралтай Райымбекұлы келіп қатысты.
Жазушының ұлы Нұржан Тұрысов пен Қазақстан Жазушылар Одағының Шымкент қалалық филиалының төрағасы Дәркен Танабаев жазушының соңғы шыққан кітабын Алматыдан келген құрметті қонақтарға тарту етті.
Кеш модераторы - жазушы Захардин Қыстаубаев.
