«Әл-Фараби» атындағы қалалық ғылыми-әмбебап кітапханасында тұңғыш рет кітапханашылардың кәсіби мерекесі аталып өтті.
24-қазан Кітапханашылар күніне орай кітапханамыздың «Қайырымды қала» залында кітапханашылардың ұстазы, ғалым Кукеева Мира Кульчимбаевнамен сыр-сұхбат кеш өтті.
Кеш барысында ардагер ұстаз Мира Кукеева өз тәжірибесімен бөлісе отырып, өзі дайындап шығарған кітапхана қызметкерлерімен пікір алмасты.
Кітапхана қызметкерлері мерекелі күнге орай Шымкент қаласы мәдениет, тілдерді дамыту және архивтер басқармасының басшысының міндетін атқарушы Дамир Жүнісов мырзаның және кітапхана директоры Анар Абусайылқызының алғыс хатымен марапатталды.
Кітап пен кітапхананың тіршілігіне жан беретін, ұлттық құндылықтар мен оқырмандар арасын жалғастырушы кітапханашылардың мәртебесін асқақтатып жүргендеріңіз үшін барлық кітапханашыларға алғыс білдіреміз. Сіздерге зор денсаулық, отбасыларыңызға бақ-береке, істеріңізге шығармашылық табыс тілей отырып, еңбектеріңіздің жемісті болуына шынайы тілектеспіз!
