Түркістан қаласында қала әкімдігінің қолдауымен «Ұлы дала елі» орталығында ақын Сырбай Мәуленовтың туғанына 100 жыл толуына орай «Түркістаным - Тұраным» тақырыбында ақындар айтысы өтті.
Ақындардың өнерін бағалап, әділ төрелігін танытар қазылар алқасының құрамында айтыскер ақын, «Алтын домбыра» иегері Бекарыс Шойбеков, Түркістан қаласының Құрметті азаматы, «Профессор Құлбек Ергөбек зияткерлік бастауыш мектебінің» құрылтайшыларының бірі – Баян Адырбек, айтыскер ақын, «Өнер» мектебінің директоры Тұрар Тлеулиев болды.
Айтыстың Бас жүлдесін кітапханамыздың көрмелік-бұқаралық сектор бөлімінің қызметкері Мейіржан Жақыпов қанжығасына байлап, қаржылай сыйақы мен қала әкімінің Дипломына ие болды.
