Әл-Фараби атындағы қалалық ғылыми-әмбебап кітапханасының "Қайырымды қала" залында Қазақстанның және бұрынғы КСРО халық әртісі, халық қаһарманы, опера және эстрада әншісі Роза Бағланованың туғанына 100 – жыл толуына орай «Ән салатын гүл» атты әдеби-музыкалық кеш өтті.
Әдеби-музыкалық кешке Ш. Айтматов атындағы сыйлықтың иегері, ҚР Мәдениет қайраткері, Ж. Шанин атындағы академиялық қазақ драма театрының ардагер әртістері Жұмабекава Айжан және ҚР Мәдениет қайраткері, Гүлшат Еспай қатысып, Роза Бағланова туралы естеліктермен бөлісті.
Шымкент қалалық мәдениет үйінің әншісі Жұлдыз Шүкірбаева Роза апамыздың орындауындағы әндерді шырқап, көпшілік көрерменнің көңілін көтерді.
Кеш модераторы - кітапхана қызметкері Ешімов Тұрсынбай.
