Бір қала - бір кітап
Жаңа кітаптың тұсаукесері
Кітапханамызда фантаст-жазушы, Қарауылбек Қазиев атындағы сыйлықтың иегері Сарманбай Исақтың 70 жасқа толуына орай "Қиялы қияндағы жазушы" атты кездесу кеші өтті.
Кешке Қаратау ауданының әкімі Мүлкеманов Рахымберді Жанысбекұлы, жазушы, тарихшы, шежіреші Ғ.Мүсірепов атындағы әдеби сыйлықтың иегері Момбек Әбдәкім, жазушы -журналист Шойбек Орынбай, Қазақстан педагогикалық академиясының вице-президенті Тамара Махалқызы қатысып, қаламгердің шығармашылығы жайлы ойлар қозғады.
Дарынды балаларға арналған N1мамандандырылған IT лицей- мектебінің 10 сынып оқушысы Мәуленова Мөлдір Сарманбай Исақтың шығармашылығы туралы ғылыми жұмыс жазып, қалалық ғылыми жоба байқауынан 1 орын алғанын мақтанышпен айтып, жазушы шығармаларынан үзінді оқыды.
Кеш барысында жазушының жеті томдық шығармалар жинағының тұсауы кесілді.
