Кітапханамыздың "Қайырымды қала" залында көрнекті журналист Мұхтар Атабектің "Оңтүстік айнасы" атты кітабының тұсаукесері өтті.
Шараға қалалық мәслихаттың депутаты Рәшкүл Оспанәлиева, Ордабасы ауданы мәслихатының төрағасы Қосымбай Әбдіхалық, "Шымкент келбеті" газетінің бас редакторы Бақтияр Тайжан, "Оңтүстік" телеарнасының бас директоры Уәли Қыдыр мен туған-туыстары және әріптестері қатысты.
Шара барысында Мұхтар Атабек туралы әріптестері дайындаған бейнефильм көрсетіліп, кітапхана қызметкерлері әдеби композиция оқыды.
