Танысыңыздыр жаңа кітап!
Әл-Фараби атындағы қалалық ғылыми-әмбебап кітапханасының қоры белгілі қазақстандық ғалым, профессор Мұхит-Ардагер Сыдықназаровтың «Тарих толқынындағы Қазақстанның үзіліссіз мемлекеттілігі. XVI-XIX ғасырлардағы еуропалық және американдық карталардағы Қазақ мемлекеті» атты кітабымен толықты.
Кітап Қазақстанның Бельгиядағы Елшілігінің қолдауымен жарық көріп, тұсаукесері 9 желтоқсан Қазақстанның Тәуелсіздік күні қарсаңында Брюссельде өтті.
Кітапта "Қазақ" мемлекеті көрсетілген және айқындалған еуропалық және америкалық ғалымдардың, картографтардың, географтардың, саяхатшылар мен дипломаттардың XVI-XIX ғасырлардағы 130 картасы ұсынылған.
Кітап автор-құрастырушының көп жылғы зерттеулерінің нәтижесі және олардың басым көпшілігі Қазақстанның ғылыми, мәдени, ақпараттық айналымына алғаш рет еңгізіліп отырған бірегей карталар мен атластарды қамтиды.
Барлық карталар толық жүйеленген деректермен, техникалық параметрлермен, толық авторлық сипаттамамен сүйемелденеді.
Кітап ағылшын, қазақ және орыс тілдерінде басылып, Бельгия Корольдік кітапханасының тізімінде тіркелген.
Көпшілік оқырманға арналған.
