Әл-Фараби атындағы қалалық ғылыми-әмбебап кітапханасының ұйымдастыруымен Ақерке балалар залында 2022 жыл— Балалар жылы деп жариялануына орай «Кітап оқитын отбасы» жобасы аясында өнегелі отбасы Мырзахметовтер отбасымен кездесу кеш өткізілді.
Кешті кітапхана директоры А.Жаппаркулова ашып берді. Шара барысында Мырзахметовтер отбасындағы Сейдахмет ағамыз өзінің кітап оқу арқылы үлкен жетістіктерге жеткенін баяндап, Абайдың өлеңдерінен үзінділер оқып берсе, Гулнар апайымыз кітаптың берер тәрбиесі туралы ойымен бөлісті. Кішкентай немересі Інжу ән айтып, көпшілікке жақсы көңіл күй сыйлады. Отбасылық досы ф.ғ.к., профессор Қожахметов Бектай Қалиұлы Мырзахметовтер отбасының кітапқа деген ерекше құрметін айта келе, шараға қатысушы оқырмандарға кітап оқу арқылы өз мақсатына жетуге болатыны жөнінде пікірін білдірді.
"Ақерке" балалар залының кішкентай оқырмандары қазақ ақындарының өлеңдерін жатқа оқып, шараға белсене қатысқан оқырмандар кітапхана директорының алғыс хаттарымен марапатталды.
