Құрметті кітап сүйер қауым! 
Әл-Фараби атындағы кітапханада «Ұмыт болған кітаптар беттерінен» атты әдеби экспедиция өтті.
Әдеби экспедицияны өткізудегі мақсатымыз – ертеректе жазылған, алайда қаншама уақыт өтсе де өзінің көркемдік құндылығын жоғалтпаған кітаптардың бар екендігін еске салу. Кешімізді N 72 орта мектебінің оқушысы А.Сыпатай күмбірлеген күймен ашты.
Шымкент Университетінен келген жас оқырмандарымыз отандық үздік жазушылар М.Дулатұлының «Бақытсыз Жамалы», "Екі қыздың мұңы", С.Торайғыровтың "Қамар сұлуы", Сафуан Шаймерденовтің «Мені қалай үйлендірмек болды» әңгімесі, Б.Майлиннің «Шұғаның белгісі» атты туындыларын талдап, ұмыт болған кітап беттерінің кейіпкерлері туралы өз ойларымен бөлісті.
Шараға Шымкент Университетінің филология кафедрасының магистр оқытушысы М.Исакулова, студенттер және кітапханашылар, оқырмандар қатысты.
