23 сәуір – Халықаралық кітап және авторлық құқық күні аталып өтті.
Шымкент қаласы мәдениет, тілдерді дамыту және архивтер басқармасына қарасты Әл-Фараби атындағы қалалық ғылыми-әмбебап кітапханасы, Орталықтандырылған көпшілік кітапханасы, орталықтандырылған балалар кітапханасы, қалалық арнайы кітапхана мен жасөспірімдер кітапханасы біріге отырып қаланың Абай саябағында және орталық саябақта 23 сәуір – Халықаралық кітап және авторлық құқық күні мерекесіне орай ұйымдастырылған «Оқитын Шымкент – озық қала» атты кітап мерекесін 23 сәуір күні азанғы сағат 10:00 ден 14:00аралығында атап өтті.
Орталық саябақта «Оқитын Шымкент – озық қала» атты іс-шара қөтсе, Абай саябағында «Кітап – тарих, шежіре» тақырыбындағы іс-шара көпшіліктің көңілінен шықты.
Кітап мерекесіне жазушы Мархабат Байғұт, Жазушы Захардин Қыстаубаев, ақын Қабылбек Төретай, жазушы, шежіреші Момбек Әбдіәкімұлы, фантаст-жазушы Сарманбай Исақ, журналист, сатирик жазушы Сабырбек Олжабай, ақын Сабырбек Нұрман, ақын, Қазақстан Жазушылар одағының Шымкент қалалық филиалының директоры Дәркен Танабаев, ақын Бақытжан Алдияр, ақын Абай Қалшабек, журналист Әбдісаттар Әліп пен Бейсенкүл Нарымбетова, жас ақын Әлімжан Әлішер мен Ербек Бакиев, мәдениет қайраткері Асқар Әлихан сынды қаламгерлер мен зиялы қауым өкілдері қатысты.
Әл-Фараби кітапханасының қызметкерлері
"Шымкент оқитын қала - озық қала" атты кітап көрмесі мен библиокафе ұйымдастырды.
