Киелі кітапханамызда жазушы, журналист, Қазақстанның еңбек сіңірген қайраткері,
«Алаш» Халықаралық сыйлығының лауреаты, «Барыс» орденінің иегері, Мархабат Байғұттың шығармаларынан Ақмарал Асанқызы құрастырып шығарған қысқаша үзінді-қайырымдар жинағының таныстырылым кеші өтті.
Кеш алғысөзі Халықаралық «Алаш» әдеби сыйлығының иегері Нармахан Бегалыұлына берілді.
Кешке қатысушы құрметті қонақтар тізімін ақын , "Барыс", "Парасат" ордендерінің иегері, хан қызындай Ханбибі апамыз, Қазақстан жазушылар одағының мүшесі Қабылбек Төретай ағамыз және тағы да көптеген зиялы қауым өкілдері жалғады.
Мархабаттанушы, жеңіл өнеркәсіп және сервис колледжінің «Этнодизайнер» мамандығының студенті Анарбай Жамал өз пікірін ортаға салды.
Кеш барысында кітапхана қызметкері Сәуле мұхиқызы мен Түркістан сарайының дәстүрлі әншісі Мақсат Базарханұлы әуезді әнін әуелетсе, білім ордасының қара шаңырағы саналатын ОҚМПУ студенттері "Мархабат мақамдарынан" үзінді оқыды.
Кешке қатысқан бір топ кітапхана қызметінің ардагер басшыларына Ақмарал Асанқызы арнайы әкелген кітаптарын табыстады.
Кеш модераторы: кітапханамыздың басшысы, айтыскер ақын Анар Абусайылқызы Жаппаркулова.
