Кітапхананың шет тілі әдебиеттер секторының ұйымдастыруымен 8 наурыз – халықаралық әйелдер күніне орай «Асыл жар, ардақты ана
» тақырыбында әдеби қонақжай өткізілді. Аяулы әже, ардақты ана, асыл жар, көркем қыздарымыз бір қолмен бесікті, бір қолмен әлемді тербетіп жүрген әрбір отбасының ұйытқысы. Нәзік жандылардың қоғамдағы маңызды орны туралы айтылған өлеңдер мен ізгі ниеттерге толы кеште №46 мектеп оқушысы Сағатбек Бексұлтан «Ана құдіреті» атты күмбезді күйін күмбірлетіп, қалалық мәдениет үйінің әншісі Айнұр Назарбекова әуезді әнін әуелетті. Мерекелік кешті кітапхана қызметкері Асылзат Оспанқызы жүргізді.
