Жаңалықтар

«Ұлы ұстаз – Ыбырай»

Әл-Фараби атындағы қалалық ғылыми-әмбебап кітапханасының «Мұрагер» мүдделестер клубы аясында, Шымкент қаласы политехникалық колледжімен бірлесіп, ағартушы, педагог Ыбырай Алтынсариннің 180 толуына орай, «Ұлы ұстаз – Ыбырай» атты әдеби кеші өтті.

Шараның мақсаты: оқырмандардың шығармашылық қабілетін дамыту, ойын ашық айта білуге және өз пікірін қорғай білуге баулу.

Оқырмандарды адамгершілікке, адалдыққа, еңбексүйгіштікке, жақсы жолдас бола білуге, сондай-ақ, ұлы тарихи тұлғаны есте сақтауға, құрмет тұтуға, үлгі алуға тәрбиелеу.

Кеш барысында ұлы ағартушының өмірі, шығармалары, әңгімелері таныстырылып, викториналық ойындар ойнатылды.

Шара соңында белсене қатысқандарға сыйлықтар берілді.

Кешке 15-16 жастағы студенттер мен оқытушылар, кітапханашылар қатысты. Жалпы оқырмандар саны -34.