КІТАПХАНАДАҒЫ #NIGHTQUEST
Жастарды заманауи квест ойыны арқылы жаңарған кітапханамен таныстыру мақсатымен Әл-Фараби атындағы қалалық ғылыми-әмбебап кітапханасында инновациялы, креативті форматта #NIGHTQUEST (түнгі квест) өтті.
Шараға қатысушы жастар түнгі кітапхана ішін аралап, квест саяхатқа шықты.
Әл-Фарабидің шәкірті Каллиграф пен кітапхана шырақшысы – Дәруіштің, Шығыс аруының бастауымен квесттің әр кезеңінде түрлі тапсырмалар орындалды. Мысалы, сахналық көріністер, сандықтан қолжазбалар іздеу, ғұламаның шығармасынан үзінділерді табу арқылы келесі кезеңге өтіп отырды.
Бұдан кейін Библиокафеде әдебиеттің түрлі жанры бойынша кітаптар ұсынылды.
Сондай-ақ, көпшілік түнгі киносеанста «Әбу Насыр Әл-Фараби» анимациялық фильмін тамашалады.
Сонымен қатар, BOOKparty шарасы барасында викториналық сұрақтарға жауап беріп, пікір алмасып, белсенді жауап берген жастарға ұйымдастырушылар тарапынан естелік сыйлықтар табысталды.
Шымкент Қаласы Мәдениет Басқармасы
