ҚАРИЯСЫ БАРДЫҢ - ҚАЗЫНАСЫ БАР!
#ҚАРИЯСЫ БАРДЫҢ - ҚАЗЫНАСЫ БАР!
Кеше 1-қазан қарттар күніне орай "Қарттарын қадірлеген ел ардақты" атты мерекелік іс-шара қаламыздағы "Асыл жүрек" әлеуметтік-медициналық орталығында өтті.
Мерекелі күнде қала әкімі Әйтенов Мұрат Дұйсенбекұлы қаламыздағы қарттарды арнайы құттықтап келді.
Сондай-ақ, шара барысында қалалық Мәдениет, тілдерді дамыту және архивтер басқармасына қарасты Абай атындағы кітапхана басшысы Жұманова Нұрила Серікбайқызы және Әл-Фараби атындағы қалалық ғылыми-әмбебап кітапханасының директор орынбасары Куздеубаев Бекбол Жамбылұлы қарттар мерекесінің тарихы туралы, яғни мереке 1990 жылдан бастап халықаралық деңгейде атап өтілетіні туралы сөз етті.
Шараға Ардагерлер кеңесінің мүшелері мен іскер әйелдер қатысты.
Әл-Фараби кітапханасы "Асыл жүрек" әлеуметтік-медициналық орталығына қалалық кітапханалардың атынан кітаптар сыйға беріп, жылы лебізін білдірсе, Мәдениет үйінің әншілерімен қатар кітапхана қызметкері Айгерім Төребайқызы да әннен шашу шашты.
#AlFarabiKitaphanasy
#ӘлФарабиКітапханасы