«БІЗДІҢ МАҚТАНЫШЫМЫЗ»!
Ағымдағы жылдың 27 қыркүйек күні бүкіл әлем туризм күнін атап өтеді. Біздің қалалық туризм және сыртқы байланыстар басқармасы осы күнге орай «Shymkent 2200: Туристік креативті қала бейнесі» форум-көрмесін ұйымдастырып, сонымен қатар конкурс жарияланған еді. Осы іс-шараға байланысты әл-Фараби қалалық ғылыми-әмбебеап кітапханасының кітапханашысы Гаухар Медеуова «Креативті архитектура» номинациясы бойынша өзінің жобасын тапсырған болатын. Бұл жобада Гаухар Шерімқызы қаладағы Металлургтер сарайының қайта жөндеуін қолға алу туралы сөз еткен. Арнайы Металлургтер сарайына барып фотосуретке түсіріп, қазіргі хал-жағдайымен таныстырып, оның тарихын жазып: бұл ғимарат ХХ ғасырдың 50-ші жылдарында салынғаны, оны жапон әскери тұтқындары салғанын, Ермек Серкебаев, Роза Бағланова, Лаки Кесоглу т.б. атақты адамдардың осында болғаны жазылды. Ғимараттта үлкен кітапханасы, балет студиясы, музыкалық сыныптар, халық циркі, балалар үйірмелері болғаны да айтылды.
Қазіргі таңда Металлургтер сарайының мүшкіл жағдайын ескере отырып, Ғаухар Шерімқызы келешекте ғимарат өңдеуден өткеннен кейін өнер кітапханасы немесе геология музейі болса деген ұсыныс жасаған. Ол ұсыныста ресурстарды қайдан және қалай ұйымдастыруға болатыны айтылған.
Конкурстың нәтижесі бойынша әріптесміз Гаухар Медеуова «Үздік әлеуметтік жоба» номинациясы бойнша марапатталды. Сыйға ұялы телефон мен сертификатқа ие болды.
Ұйымдастырушылар тарапынан қатысушыларға түскі асты «Кәусар» мейрамханасында, кешкі асты «Понтос» ресторанында дәм тату ұсынылды.
