ҚР Парламенті Мәжілісінің депутаты Берік Бекжанов Әл-Фараби атындағы қалалық ғылыми-әмбебап кітапханасында болып, зиялы қауым өкілдерімен, кітапхана қызметкерлерімен кездесу өткізді.
Басқосуда Берік Айдарбекұлы жыл басынан бері қабылданған заңдарға кеңінен тоқталып, алдағы қабылданғалы жатқан нормативтік құқықтық актілерге шолу жасады.
- Бұйыртса Әлеуметтік Кодекс қабылдануы керек. Ол құжат қазір Үкіметтің қарауында жатыр. Онда азаматтық қызметшілердің мәселелері де қамтылмақ. Яғни, ол санатта кітапхана қызметкерлері де бар.
Біріншісі - айлық жалақыларын ұлғайту. Екіншісі - әлеуметтік жағдайлары. Қандай да бір ұсыныстарыңыз болса менің электронды поштама жазып қалдыруларыңызға болады. Қарап, аталған заңды құжатты жасап жатқан жауапты министрліктерге тиісті ұсыныстар беріледі, - деді Берік Бекжанов.
