Әл-Фараби атындағы қалалық ғылыми-әмбебап кітапханасында кітаптарды электронды форматқа көшіріп басатын, Ресейде шығарылған "ЭларПланСкан" планетарлы сканері орнатылған.
Жылдың басынан осы заманауи құрылғы арқылы жергілікті ақын-жазушылардың 40-қа тарта кітабы цифрлық форматқа өтіп, дискілерге көшірілген.
Планетарлы сканерде тек ғана кітапты емес, басқа да құжаттарды сапалы цифрлы форматқа өткізуге толық мүмкіндік бар.
Айта кету керек, аталған сканердің қызметі кітапханамыздың қосымша қызмет көрсету тізбесіне енгізілген.
