Nur Otan партиясы Шымкент қалалық фракция мүшелері, қалалық мәслихат депутаттары Талғат Балтабаев пен Наргиза Керімбаева арнайы келді
Жаңғыртылудан өтіп, жұмысын жаңа сипатта бастаған Әл-Фараби атындағы қалалық ғылыми-әмбебап кітапханасының жұмысымен танысуға, сондай-ақ жаңғыртылудан кейінгі өзгерістерді байқап көруге Nur Otan партиясы Шымкент қалалық фракция мүшелері, қалалық мәслихат депутаттары Талғат Балтабаев пен Наргиза Керімбаева арнайы келді.
Сонымен, Отырар секілді шұрайлы өлкеде кіндік қаны тамған Әл-Фарабидей ғұламаның есімін иеленген кітапханада қандай өзгерістер бар? 
Кітапхананың біраз бөлігі Әл-Фарабидің өмір жолынан, еңбектерінен сыр шертетін бірқатар композициялық туындылармен толықты. Яғни, кітапхананың бірінші қабатының бір бұрышы музейге айналды.
Балалар мен жасөспірімдерге арналған "Планетарий бөлмесі" пайда болды. Онда арнайы глобус іспеттес шатырдың ішінде келуші балалар мен жасөспірімдерге танымдық, ақпараттық деректі фильмдер көрсетіледі.
Ал, "Аудио залда" келушілер, оқырмандар компьютерге енгізілген түрлі жанрдағы кітаптарды құлаққап (наушник) арқылы тыңдай алады.
"Қайырымды қала" залында Шымкенттің тарихынан сыр шертетін дүниелер менмұндалап тұр. Жылдың басынан осы залда бірнеше іс-шара ұйымдастырылып өткізілді.
"Сирек кітаптар" бөлмесі де жаңарып, оқырмандар саны артты.
Оқырмандар залы, Абонемент, Шетел әдебиеттері бөлмесі түгел жаңарды.
Тұрақты оқырмандар мен келушілер үшін барлық ыңғайлы жағдай жасалынды. Заманауи кітап сөрелері, жиһаздар, жарықшамдар және т.б. дүниелер орналастырылды.
Кітапханада орын алған тағы бір жаңашылдық ол - Ашық аймақ (кофе зона). Мұнда оқырмандар мен келушілер емін-еркін жайғасып, кітап оқып, бір шынаяқ кофесін, шайын іше алады.
Файеде тұрған Әл-Фарабидің ескерткіші, Отырар қалашығының макеті, Коворкинг бөлмесінің, кәсіби суретшілердің қолынан шыққан туындылардың орны бір бөлек.
Жалпы, өзгеріс өте көп. Келіңіздер, көріңіздер!
Біздің міндет осынау дүниелерді күтіп ұстап, кітапханаға оқырмандарды көптеп тарту. Әл-Фараби мұраларын қайта жаңғырту. Кітапхананы сүйікті қаламыз Шымкенттің ғана емес, еліміздегі бірден-бір рухани, мәдени, ақпараттық-танымдық орталық ету. Осы бағытта аянбай еңбек етуге кітапхана ұжымы қашанда дайын!
#AlFarabiKitaphanasy
#ӘлФарабиКітапханасы