ӘЛЕМ ҒАЛЫМДАРЫ ӘЛ-ФАРАБИ ЖАЙЫНДА
Түркия елінің фарабитанушы ғалымы Бекір Карлыганың «Әл-Фараби – өркениет философиясы» атты кітабында ғұламаның өмірі, еңбектері, философиясы туралы ғылыми ойлар айтылып, Әл-Фарабидің ислам философиясына ғана емес, өзінің еркін ойларымен, орта ғасырлардағы христиандық және яһуди философиясына ықпалына талдау жасалынған.
Ғалым БЕКІР ҚАРЛЫҒА: «Әл-Фараби қазақ топырағында туылып, Азияны басып өтіп, Араб жерлеріне дейін барып, 20 жылдай Бағдатта өмір сүрген.
Ол жерден Анадолыға өтіп, бүгінгі Туркияның Урфа маңындағы Харран қаласында білім алады. Одан әрі қарай Шам өлкесіне, Мысырға дейін барған.
Қайда жүрсе де қазақ халқының киімін үстінен тастамаған» - деген ғылыми көзқарасын алға тартады.
