Жаңалықтар

“Жаңа Қазақстанның жаңа тарихының бүгінгісі мен болашағы”

Бүгін кітапханамызда “Қазақтану” ғылыми зерттеу орталығының ұйымдастыруымен “Жаңа Қазақстанның жаңа тарихының бүгінгісі мен болашағы” тақырыбында тарихшы-ғалымдардың қатысуымен дөңгелек үстел өтті.

Жиында XXI ғасырдағы қазақ тарихы теориялық-методологиялық тұрғыдан қалай жазылып, қай бағытта ғылыми айналымға түсуі керектігі жайындағы мәселелер талданып, еліміздегі этникалық және ұлттық мәселелерге тарихи бағаларын берді.

Қазақстан халқының біртұтас этносаяси бірлікке топтасуына кедергі болып отырған кемшіліктер жөнінде де ғалымдар өз пікірлерін айтып өтті.

Жиынды “Қазақтану” ғылыми зерттеу орталығының директоры Мұхитхан Миразов жүргізді.

Сондай-ақ, жиынға М.Әуезов атындағы ОҚУ-нің оқытушысы, тарих ғылымдарының кандидаты Сәрсебай Кәрібаев, N41 мектеп-лицейінің мұғалімі, тарихшы Өмір Шыныбекұлы, тарихшы, генеолог Нұржан Сәдірбекұлы және т.б ғалымдар қатысты.

#AlFarabiKitaphanasy

#ӘлФарабиКітапханасы