Кеше Әл-Фараби атындағы қалалық ғылыми-әмбебап кітапханасында Қазақстан Жазушылар Одағының төрағасы Ұлықбек Есдәулет пен Одақтың төраға орынбасары Бақыт Беделхан қонақта болып, қаламгерлердің басқосуы өтті.
Басқосуға қала әкімінің бірінші орынбасары Шыңғыс Мұқан, жазушылар Мархабат Байғұт, Нармахан Бегалы және т.б. бетке ұстар әдебиет саңлақтары, жас ақын-жазушылар қатысты.
Жиынға қатысушылар күні кеше өмірден озған жазушы, журналист Жеңіс Баһадүрді еске алып, оның Шымкентте әдебиет саласының дамуына серпін беретін істерінің, жобаларының аяқсыз қалмайтынын тілге тиек етті.
Сонымен қатар, басқосуда қаладағы бірқатар жас ақын-жазушыларға Қазақстан Жазушылар Одағының мүшелік куәліктері табысталды.
Жазушылар Одағына мүше болғандар қатарында әріптестеріміз Arailym Muratalieva және Сүндет Сейітов те бар.
