ЖАҢА КІТАПТЫҢ ТҰСАУЫ ШЕШІЛДІ
Бүгін жазушы, шежіреші, Ғ.Мүсірепов атындағы әдеби сыйлықтың иегері Момбек Әбдіәкімұлының “Шымкент қаласының тарихы” атты кітабының тұсаукесер кеші өтті.
Кешті ҚР Мәдениет қайраткері Асқар Әлихан жүргізді.
Кешке Шымкент қаласы әкімінің бірінші орынбасары Шыңғыс Мұқан, Шымкент қалалық мәслихатының хатшысы Бахадыр Нарымбетов, Тарих ғылымдарының докторы Әшім Жанысбекұлы, т.ғ.д, профессор Сейдахан Әлібек, т.ғ.к, ОҚМПУ оқытушысы Бахадыр Айтай және т.б зиялы қауым өкілдері қатысып, өз пікір-тілектерін білдірді.
Бұл кітап - Елбасы Н.Ә.Назарбаевтың “Болашаққа бағдар: Рухани жаңғыру” атты бағдарламасы аясында, тұрғындарының саны миллионға жетіп, республика көлемінде айрықша мәртебесі бар үшінші мегаполис атанған Шымкент қаласының терең тарихы жайлы жазылған.
