ЕКІ ЖҮЗ ЖЫЛДЫҚ ҚҰНДЫ КІТАП
Кітапхананың Сирек кітаптар залы қорындағы ең көне кітап 200 жылдық тарихы бар әлем әдебиетінің алтын қорына енген ағылшын жазушысы В.Скоттың 1824 жылы «Constable and Co» баспасында жарық көрген «Redgauntlet» (Қызыл қолғап) кітабы бойынша дөңгелек үстел өтті.
Кітапхананың ғылыми-зерттеу жұмыстарымен айналысатын бөлімнің басшысы Сұлухан Байдуллаева жүргізген іс-шараны директор орынбасары Асылзат Арыстанова ашып берді.
М.Әуезов атындағы ОҚУ «Ағылшын тіл білімі» кафедрасының аға оқытушысы Мәншүк Қалдыбекқызы, ОҚМПУ-дың «Ағылшын тіл білімі» кафедрасының доценті, филология ғылымдарының кандидаты Марина Юрьевна Шингарева, Н. Төреқұлов атындағы №62 орта мектептің тарих пәнінің мұғалімі Берік Ералиев, №90 ДБАМ мектеп – гимназиясының тарих пәнінің мұғалімі Р.Шоқақов, кітапхананың ғалым хатшысы, тарих ғылымдарының магистрі Ақнұр Амангелдіқызы мен каталогтарды ұйымдастыру мен құжаттарды өңдеу секторының меңгерушісі Гауһар Шерімқызы мен оқырмандар қатысқан жиында аталмыш тарихи романның құндылығы мен мазмұн-сипаты кеңінен талқыланды.
