АБАЙ БАЛАЖАН: "РУХАНИЯТЫМЫЗ СӨНБЕСІН!"
Бүгін Әл-Фараби атындағы қалалық ғылыми-әмбебап кітапханасының Мерзімді басылымдар секторының ұйымдастыруымен "Оңтүстік Қазақстан" газетінің бас редакторы Абай Балажан мырзамен кездесу болып өтті.
Аталған шараға М.Әуезов атындағы ОҚМУ журналистика кафедрасының шәкірттері, кітапхана қызметкерлері қатысты.
Кездесу еркін форматта өтті. Абай Балажан қазіргі журналистикамен тәуелсіздікке дейінгі және 1990 жылдардың басындағы журналистиканы салыстырып, көптеген мысалдар келтірді.
Әсіресе руханиятты көтеруде қазіргі журналистиканың енжарлық танытып отырғанына кеңінен тоқталып, әлі де ойлануға, руханиятты өлтіріп алмау үшін әлі де керемет дүниелерді жазуға, айтуға болатындығын тілге тиек етті. Жас мамандарды ел үшін аянбай еңбек етуге шақырды.
