#ФАРАБИ ЖОЛЫ — ДҮНИЕНІ ТАНУҒА ШАҚЫРАДЫ
Әл-Фараби атындағы қалалық ғылыми-әмбебап кітапханасының ұйытқы болуымен "Әл-Фараби жолы" жобасы басталды. Жобаның мақсаты, ғұлама ғалымның жолымен жүріп, оның мұраларымен етене танысу.
25 мамыр күні Шымкент қаласының Әл-Фараби атындағы қалалық ғылыми-әмбебап кітапханасынан ақын-жазушылар мен журналистерден құралған топ Отырар ауданына жол тартты. Сонымен қатар, журналист Әсет Әссанди , Балтабек Түйетаев , жазушы Күлия Айдарбекова, кітапхана директоры Дәурен Әуелханұлы бастаған топ Отырар қалашығы, Арыстанбаб кесенесі, Әл-Фараби музейі һәм Визит орталыққа барды.
Зиялы қауым өкілдерін Отырар ауданы әкімінің орынбасары Пердехан Жаппарқұлов күтіп алып, аудан орталығындағы жаңадан ашылған мәдени кешендерді таныстырды.
Алдағы уақытта "Әл-Фараби жолы" жобасын жалғастыру мақсатында бірнеше тарихи-мәдени ескерткіштер сақталған аудандарға бару жоспарлануда.
